અત્યારે ગરમીની સિઝન ચાલી રહી છે. ગરમી વચ્ચે વરસાદના એક બે ઝાપટા આવતા વાતાવરણમાં ઠંડક પ્રસરે છે. અને થોડા જ સમયમાં ફરી પાછી ગરમી પડવા લાગે છે. આવી સ્થિતિમાં લોકોને સવાલ થાય છે કે હવામાન બદલાતુ રહે છે અને વરસાદ આવતા બીમારીથી બચવા ગરમી પાણીનું લોકો સેવન કરે છે. પરંતુ શું કાળઝાળ ગરમીમાં પણ ગરમ પાણીનું સેવન સ્વાસ્થ્ય માટે લાભદાયક સાબિત થાય છે.

આરોગ્ય નિષ્ણાતનુ સૂચન

આરોગ્ય નિષ્ણાતે લોકોની આ મૂંઝવણ દૂર કરી છે. તેમણે જણાવ્યું કે આયુર્વેદથી લઈને વિજ્ઞાન સુધી ગરમ પાણીના ફાયદાઓ દરેક જગ્યાએ વર્ણવવામાં આવ્યા છે. ઉનાળાની ગરમીમાં સામાન્ય રીતે લોકો ઠંડું પાણી પીવાનું પસંદ કરે છે.  ગરમ પાણી પીવાના ઘણા આશ્ચર્યજનક ફાયદા છે. નિષ્ણાતે ખાસ સૂચન કર્યું કે ગરમીમાં શક્ય બને ત્યાં સુધી સવારે ગરમ પાણી પીવું જોઈએ.

ગરમીમાં ગરમ પાણીના આ છે આશ્ચર્યજનક ફાયદા

સામાન્ય રીતે લોકો ઠંડીની ઋતુમાં ગરમ પાણી પીતા હોય છે પરંતુ ઉનાળામાં સવારે વહેલા ઉઠીને હુંફાળું પાણી પીવું એ સ્વાસ્થ્ય માટે ફાયદાકારક છે. સવારે હૂંફાળું પાણી પીવાથી પાચનતંત્ર સક્રિય થાય છે.
ગરમ પાણીનું સેવન રાત્રે શરીરમાં જમા થયેલા ઝેરી તત્વોને બહાર કાઢવામાં મદદ કરે છે. શરીરમાંથી ઝેરી તત્વો બહાર નિકળવાથી ત્વચા ચમકદાર બને છે. ગરમ પાણી પીવાથી ત્વચાની નમી જળવાય છે સ્કીન સૂકાવાની સમસ્યામાં રાહત મળે છે.
ઉનાળામાં પણ સવારે વહેલા ઉઠીને હુંફાળું પાણી પીવું સ્વાસ્થ્ય માટે ફાયદાકારક હોઈ શકે છે. સવારે વહેલા ઉઠીને હુંફાળું પાણી પીવાથી શરીર ડિટોક્સિફાઇ થાય છે. ગરમ પાણી ચયાપચયને ઝડપી બનાવે છે, જે કેલરી બર્ન કરવામાં મદદ કરે છે.
ગરમ પાણી પાચન તંત્રને સક્રિય કરે છે અને ભોજન પચાવવામાં મદદ કરે છે. ખાસ કરીને ખાલી પેટે પીવાથી પાચનશક્તિ મજબૂત થાય છે અને કબજિયાત જેવી સમસ્યાઓને દૂર રાખે છે.
ગરમ પાણી મેટાબોલિઝમ વધારવામાં મદદ કરે છે. જે વજન ઘટાડવા માટે લાભદાયક છે. ખાસ કરીને લીંબુના રસ અને થોડા મધ સાથે ગરમ પાણી પીવું વધુ અસરકારક સાબિત થઈ શકે છે. જે લોકો વજન ઘટાડવાનો પ્રયાસ કરતા હોય તેમણે સવારે વહેલા ઉઠીને હુંફાળું પાણી પીવાથી ફટાફટ ચરબી ઉતરશે અને સ્ફૂર્તિ પણ લાગશે. 
ઉનાળામાં ડિહાઇડ્રેશન અને હીટ સ્ટ્રોક સામાન્ય સમસ્યાઓ છે, જેના કારણે માથાનો દુખાવો, થાક અને ચીડિયાપણું થાય છે. આવી સ્થિતિમાં, સવારે વહેલા હુંફાળું પાણી પીવાથી તમને રાહત મળે છે. 
સવારે ગરમ પાણીનું સેવન પેટમાં થતા ગેસ અને એસિડિટી માટે આરામદાયક હોય છે. તે પેટને શાંત કરે છે અને બ્લોટિંગ ઘટાડે છે.

Disclaimer: સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. સંદેશ ન્યૂઝ આ મામલે પુષ્ટી કરતું નથી. કોઈપણ સૂચનનો અમલ કરતા પહેલા તમારે સંબંધિત નિષ્ણાતની સલાહ લેવી જોઈએ.