મંગળવારે સવારે અમેરિકાના શિકાગોના મિડવે એરપોર્ટ પર પાઇલટની હાજરીની સમજદારીને કારણે બે વિમાન ટકરાતાં રહી ગયાં હતાં. સાઉથવેસ્ટ એરલાઇન્સનું વિમાન એરપોર્ટ પર ઊતરવાનો પ્રયાસ કરી રહ્યું હતું ત્યારે બીજું વિમાન, ચેલેન્જર 350 ખાનગી જેટ રનવે પર આવ્યું. આવી સ્થિતિમાં સાઉથવેસ્ટ એરલાઇન્સનું વિમાન જમીનને સ્પર્શ કરવાથી માત્ર 50 ફૂટ દૂર હતું, પરંતુ એને અચાનક હવામાં જવું પડ્યું. બાદમાં વિમાનને શિકાગો એરપોર્ટ પર સુરક્ષિત રીતે ઉતારવામાં આવ્યું. ફેડરલ એવિએશન એડમિનિસ્ટ્રેશન આ મામલાની તપાસ કરી રહ્યું છે. જોકે બીજા વિમાનને પરવાનગી વિના રન-વેમાં

પ્રવેશવા બદલ દોષી ઠેરવવામાં આવ્યું હતું. મિડવે એર ટ્રાફિક કંટ્રોલે જણાવ્યું હતું કે ખાનગી જેટના પાઇલટને રન-વેથી દૂર રહેવા માટે ઓછામાં ઓછા નવ વખત ચેતવણી આપવામાં આવી હતી, પરંતુ પાઇલટે દેખીતી રીતે એ સૂચનાઓની અવગણના કરી. ગયા મહિને અમેરિકામાં વિમાન અકસ્માતો થયો હતો વોશિંગ્ટનમાં વિમાન અને હેલિકોપ્ટર વચ્ચે ટક્કર, 67 લોકોનાં મોત અમેરિકાની રાજધાની વોશિંગ્ટન ડીસીમાં 29 જાન્યુઆરીની રાત્રે એક પેસેન્જર વિમાન અને હેલિકોપ્ટર વચ્ચે ટક્કર થઈ હતી. અકસ્માત બાદ બંને પોટોમેક નદીમાં પડી ગયાં. વિમાનમાં 64 લોકો સવાર હતા, જેમાં

4 ક્રૂ-મેમ્બરનો સમાવેશ થાય છે. હેલિકોપ્ટરમાં 3 લોકો હતા. આ અકસ્માતમાં બધા 67 લોકોનાં મોત થયાં હતાં. અધિકારીઓએ બધાના મૃત્યુની પુષ્ટિ કરી છે. અકસ્માત બાદ અમેરિકન એરલાઇન્સનું વિમાન પોટોમેક નદીમાં ત્રણ ટુકડામાં મળી આવ્યું હતું. વિમાન અને હેલિકોપ્ટર બંનેના ફ્લાઇટ ડેટા રેકોર્ડર (FDR અથવા બ્લેક બોક્સ) પણ મળ્યાં હતાં. આ ઘટના રોનાલ્ડ રીગન એરપોર્ટ નજીક બની હતી. આ અકસ્માત યુએસ એરલાઇન્સના CRJ700 બોમ્બાર્ડિયર જેટ અને આર્મી બ્લેક હોક (H-60) હેલિકોપ્ટર વચ્ચે થયો હતો. અમેરિકન એરલાઇન્સનું જેટ કેન્સાસથી વોશિંગ્ટન આવી રહ્યું હતું.