ઉલ્લુ એપ પર પ્રસારિત થતા શો 'હાઉસ એરેસ્ટ' પર અશ્લીલતા ફેલાવવાનો આરોપ મૂકવામાં આવ્યો છે. તાજેતરમાં, બજરંગ દળે શોના હોસ્ટ એજાઝ ખાન સહિત શો સાથે સંકળાયેલા લોકો વિરુદ્ધ મુંબઈમાં ફરિયાદ નોંધાવી હતી. હવે શોનું સ્ટ્રીમિંગ કરતી એપ્લિકેશને માફી માંગી છે, અને આ મુદ્દાને ટાળી દીધો છે. ઉપરાંત, શોના બધા એપિસોડ એપમાંથી ડિલીટ કરી દેવામાં આવ્યા છે. ઉલ્લુ એપ દ્વારા સત્તાવાર રીતે જાહેર કરાયેલ માફીપત્રમાં લખ્યું છે કે, અમે તમને

જણાવીએ છીએ કે ઉલ્લેખિત શોના બધા એપિસોડ 3-4 દિવસ પહેલા દૂર કરવામાં આવ્યા છે. આ શોનું પ્રકાશન અમારી ઇન્ટરનલ ટીમની નજરઅંદાજ અને બેદરકારીનું પરિણામ છે, જેને અમે સ્વીકારીએ છીએ. અમે કાયદાનું પાલન કરીએ છીએ. આ બાબત અમારા ધ્યાન પર લાવવામાં તમારી સતર્કતા અને સક્રિય અભિગમની અમે પ્રશંસા કરીએ છીએ. આ તકલીફ માટે અમે માફી માંગીએ છીએ. શોમાં છોકરીઓને કામસૂત્રના પોઝ કરાવવામાં આવ્યા હતા, જાણો કેવી રીતે શરૂ થયો

વિવાદ રિયાલિટી શો 'હાઉસ અરેસ્ટ' ઉલ્લુ એપ પર સ્ટ્રીમ થઈ રહ્યો હતો, જે વિવાદાસ્પદ એક્ટર એજાઝ ખાન દ્વારા હોસ્ટ કરવામાં આવે છે. 29 એપ્રિલના રોજ, શોની એક ક્લિપ સોશિયલ મીડિયા પર વાયરલ થઈ હતી જેમાં શોના હોસ્ટ એજાઝ ખાન મહિલા સ્પર્ધકોને તેમના કપડાં ઉતારવા માટે કહી રહ્યા છે. એટલું જ નહીં, તે છોકરીઓને કામસૂત્રના પોઝ આપવાનું કહે છે. તેની સૂચનાઓનું પાલન કરીને, છોકરીઓ પોઝ આપવાનું શરૂ કરે છે. ક્લિપ

વાયરલ થયા પછી, મહિલા આયોગ અને રાજકીય પક્ષોએ તાત્કાલિક શો અને તેના નિર્માતાઓ સામે કાર્યવાહી કરવાની માગ કરી હતી. 2 મેના રોજ, રાષ્ટ્રીય મહિલા આયોગ (NCW) એ કડક વલણ અપનાવ્યું અને ઉલ્લુ એપના CEO વિભુ અગ્રવાલ અને એક્ટર એજાઝ ખાનને સમન્સ જારી કર્યા. કમિશને બંનેને 9 મે સુધીમાં હાજર થવાનો નિર્દેશ આપ્યો હતો. સમન્સમાં, ઉલ્લુ એપ પર અશ્લીલ સામગ્રી પ્રસારિત કરવાનો આરોપ મૂકવામાં આવ્યો છે. તેમાં વધુમાં કહેવામાં

આવ્યું છે કે 29 એપ્રિલના રોજ, શો 'હાઉસ અરેસ્ટ' ની એક ક્લિપ સોશિયલ મીડિયા પર વાયરલ થઈ હતી જેમાં એજાઝ ખાન મહિલા સ્પર્ધકો પર કેમેરા સામે વાંધાજનક પોઝ આપવા માટે દબાણ કરી રહ્યો હતો. કેટલાક સ્પર્ધકોને તેનું ઇન્સ્ટ્રક્શન ફોલો કરવામાં અસ્વસ્થતા અનુભવાતી હતી, પરંતુ તેમની નારાજગીને અવગણવામાં આવી હતીય રાષ્ટ્રીય મહિલા આયોગનું કહેવું છે કે આવા શો મહિલાઓના ગૌરવની વિરુદ્ધ છે અને મનોરંજનના નામે જાતીય સતામણી સમાન છે. તેમણે

કહ્યું કે જો તપાસ દરમિયાન લગાવવામાં આવેલા આરોપોની પુષ્ટિ થાય છે, તો તે ભારતીય ન્યાય સંહિતા, 2023 અને માહિતી ટેકનોલોજી અધિનિયમ, 2000 હેઠળ ગંભીર ફોજદારી કેસ બની શકે છે. બજરંગ દળે આપી હતી ચેતવણી બજરંગ દળે ઉલ્લુ ડિજિટલ મીડિયાને પત્ર લખીને ચેતવણી આપી હતી કે જો બધા એપિસોડ જલદી ડિલીટ કરવામાં નહીં આવે તો તેઓ તેમની સામે પોતાની રીતે કાર્યવાહી કરશે. આ પછી ઉલ્લૂ એપે માફી માગી છે