દેશમાં યુનિફાઇડ પેમેન્ટ્સ ઇન્ટરફેસ (UPI) સેવા સવારે લગભગ 11.30 વાગ્યે ઠપ થઈ ગઈ હતી. લોકોને UPI પેમેન્ટ કરવામાં સમસ્યાઓનો સામનો કરવો પડી રહ્યો હતો. હવે 2 કલાક બાદ ફરી સર્વિસ શરૂ થઈ ગઈ છે. છેલ્લા 20 દિવસમાં આ ત્રીજી વખત છે, જ્યારે વ્યવહારમાં સમસ્યા આવી છે. વેબસાઇટ્સ અને ઓનલાઈન સેવાઓનું રીઅલ-ટાઇમ સ્ટેટસ પૂરું પાડતું પ્લેટફોર્મ ડાઉનડિટેક્ટર અનુસાર સમસ્યાનો સામનો કરી રહેલા લગભગ 81% લોકોને ચુકવણી કરવામાં સમસ્યાનો સામનો કરવો પડી રહ્યો છે. 17% લોકોને મની ટ્રાન્સફર કરવામાં સમસ્યાઓનો સામનો કરવો પડી રહ્યો છે અને

લગભગ 2% લોકોને ખરીદી કરવામાં સમસ્યાઓનો સામનો કરવો પડી રહ્યો છે. સમસ્યા સવારે 11:30 વાગ્યાની આસપાસ શરૂ થઈ. તે સમયે આ પ્લેટફોર્મ પર લગભગ 900 લોકોએ રિપોર્ટ કર્યો હતો. બપોરે 1:00 વાગ્યે સમસ્યાની જાણ કરનારા લોકોની મહત્તમ સંખ્યા 2400 હતી. બપોરે 2:30 વાગ્યે સમસ્યામાં સુધારો થતો હોય તેવું લાગે છે. હાલમાં ફક્ત 300 યુઝર્સે રિપોર્ટ ફાઇલ કર્યા છે. સૌથી વધુ તકલીફ સવારે 11:30થી બપોરે 12:30 વાગ્યા સુધી 26 માર્ચે સેવા લગભગ અઢી કલાક માટે સર્વિસ બંધ રહી હતી આ પહેલાં 26 માર્ચે દેશભરમાં

લગભગ અઢી કલાક માટે સેવા બંધ રહી હતી. ત્યાર બાદ લોકોને ગૂગલ પે, ફોનપે અને પેટીએમ જેવી એપ્સ દ્વારા પૈસા ટ્રાન્સફર કરવામાં સમસ્યાઓનો સામનો કરવો પડ્યો. આ ઉપરાંત 10થી વધુ બેંકોની UPI અને નેટ બેંકિંગ સેવાઓ પણ પ્રભાવિત થઈ હતી. યુઝર્સ એપ અને નેટ બેકિંગમાં પણ લોગ-ઇન એક્સેસ કરી શક્યા નહોતા. નેશનલ પેમેન્ટ્સ કોર્પોરેશન ઓફ ઈન્ડિયા (NPCI)એ કહ્યું હતું કે 'યુઝર્સને કામચલાઉ ટેક્નિકલ સમસ્યાઓનો સામનો કરવો પડ્યો હતો, જેના કારણે UPIમાં આંશિક મુશ્કેલી પડી હતી.' હવે આ સમસ્યાઓનું નિરાકરણ આવી ગયું છે. સિસ્ટમ સ્થિર

બની ગઈ છે. 10થી વધુ બેંકોની પેમેન્ટ એપ્સ પ્રભાવિત થઈ હતી પેમેન્ટ એપ્સ ઉપરાંત SBI, HDFC બેંક, એક્સિસ બેંક, બેંક ઓફ બરોડા, બેંક ઓફ ઈન્ડિયા, ઇન્ડિયન બેંક, કોટક મહિન્દ્રા બેંક અને ICICI બેંક સહિત 10થી વધુ બેંકોની સેવાઓ પ્રભાવિત થઈ હતી. લગભગ 2 કલાક પછી ફોનપે સેવાઓ ફરી શરૂ થઈ, જોકે કેટલાક વપરાશકર્તાઓને પછીથી પણ સમસ્યાઓનો સામનો કરવો પડી રહ્યો હતો. 82% લોકોને પેમેન્ટ કરવામાં મુશ્કેલી પડી ડાઉન ડિટેક્ટર મુજબ, લગભગ 82% લોકોને ચુકવણી કરવામાં સમસ્યાઓનો સામનો કરવો પડ્યો હતો, જ્યારે 14% લોકોને ફંડ ટ્રાન્સફરમાં

સમસ્યાઓનો સામનો કરવો પડ્યો અને લગભગ 5% લોકોને એપ એક્સેસ કરવામાં સમસ્યાઓનો સામનો કરવો પડ્યો હતો. UPIને NCPI ઓપરેટ કરે છે ભારતમાં RTGS અને NEFT ચુકવણી પ્રણાલીઓનું સંચાલન RBI પાસે છે. IMPS, RuPay, UPI જેવી સિસ્ટમો નેશનલ પેમેન્ટ કોર્પોરેશન ઓફ ઈન્ડિયા (NPCI) દ્વારા સંચાલિત થાય છે. સરકારે 1 જાન્યુઆરી, 2020થી UPI વ્યવહારો માટે શૂન્ય-ચાર્જ ફ્રેમવર્ક ફરજિયાત કર્યું હતું. UPI કેવી રીતે કાર્ય કરે છે UPI સેવા માટે તમારે વર્ચ્યુઅલ ચુકવણી સરનામું બનાવવું પડે છે. આ પછી એને બેંક ખાતા સાથે લિંક કરવું પડશે. આ પછી તમારો

બેંક એકાઉન્ટ નંબર, બેંકનું નામ અથવા IFSC કોડ વગેરે યાદ રાખવાની જરૂર નથી. ચુકવણીકર્તા ફક્ત તમારા મોબાઇલ નંબરના આધારે ચુકવણી વિનંતી પર પ્રક્રિયા કરે છે. જો તમારી પાસે તેમનો UPI ID (ઇમેલ ID, મોબાઈલ નંબર અથવા આધાર નંબર) હોય તો તમે તમારા સ્માર્ટફોન દ્વારા સરળતાથી પૈસા મોકલી શકો છો. ફક્ત પૈસા જ નહીં, યુટિલિટી બિલ પેમેન્ટ, ઓનલાઈન શોપિંગ, ખરીદી વગેરે માટે તમારે નેટ બેંકિંગ, ક્રેડિટ કે ડેબિટ કાર્ડની પણ જરૂર નહીં પડે. તમે આ બધાં કાર્યો યુનિફાઇડ પેમેન્ટ ઇન્ટરફેસ સિસ્ટમ દ્વારા કરી શકો છો.