મંગળવાર, 3 જૂનના રોજ યસ બેંકના શેરમાં 9%નો ઘટાડો થયો છે. કંપનીનો શેર હાલમાં લગભગ 2 રૂપિયા ઘટીને 21.30 રૂપિયા પર કારોબાર થઈ રહ્યો છે. આ ઘટાડાનું કારણ બ્લોક ડીલ હોવાનું માનવામાં આવે છે. બજાર ખુલતાની સાથે જ 9.4 કરોડ શેરનું વિનિમય થયું. આ શેર બેંકના કુલ ઇક્વિટીના લગભગ 3% છે. આ ડીલ સરેરાશ ₹21.50 પ્રતિ

શેરના ભાવે થઈ હતી. તેનું કુલ ટ્રાન્જેક્શન વેલ્યુ ₹2,022 કરોડ છે. આ ઉપરાંત, જાપાની કંપની SMBC દ્વારા યસ બેંકમાં હિસ્સેદારી વધારવાના મીડિયા અહેવાલોને પણ ઘટાડાનું કારણ માનવામાં આવી રહ્યું છે. અહેવાલમાં દાવો કરવામાં આવ્યો છે કે SMBC ભારતમાં તેની સંપૂર્ણ માલિકીની પેટાકંપની માટે રિઝર્વ બેંક પાસેથી લાઇસન્સ માંગી રહી છે અને યસ બેંકમાં કન્ટ્રોલિંગ સ્ટેક લેવાની

તૈયારી કરી રહી છે. યસ બેંકે આ અહેવાલ પર સ્પષ્ટ કરી છે. બેંકે એક્સચેન્જ ફાઇલિંગમાં જણાવ્યું હતું કે, અમને આ સંદર્ભમાં કોઈ વાતચીતની જાણ નથી. RBI સાથે રોડમેપ પર ચર્ચાના અહેવાલો પણ ખોટા છે. જો જરૂર પડશે, તો અમે રેગ્યુલેશન 30 હેઠળ માહિતી આપીશું. SMBCએ યસ બેંકમાં 20% હિસ્સો ખરીદ્યો રિઝર્વ બેંકની મંજૂરી બાદ આ ડીલ

પૂર્ણ થશે આ ડીલ RBI અને CCI જેવા રેગુલેટર્સની મંજૂરી પછી પૂર્ણ થશે. SMBCના પ્રમુખ અકિહિરો ફુકુતોમે જણાવ્યું હતું કે ભારત અમારા માટે પ્રાથમિકતા છે. યસ બેંક સાથેનું આ રોકાણ અમારી લાંબા ગાળાની વ્યૂહરચનાનો એક ભાગ છે. યસ બેંકના CEO પ્રશાંત કુમારે જણાવ્યું હતું કે SMBCનું રોકાણ અમારા વિકાસને નવી ગતિ આપશે. SBI હજુ પણ અમારા

મહત્વપૂર્ણ ભાગીદાર રહેશે. 2023માં પણ હિસ્સો ખરીદવાની ચર્ચા થઈ હતી 2023ની શરૂઆતમાં, SMBC યસ બેંકમાં 51% વોટિંગ રાઈટ્સ ઇચ્છતું હતું, પરંતુ ભારતીય કાયદા (26% વોટિંગ મર્યાદા)ને કારણે આ ડીલ થઈ શકી નહીં. આ વખતે SMBCએ 26% વોટિંગ રાઈટ્સની મર્યાદા સ્વીકારી છે, પરંતુ કંપની યસ બેંકના બોર્ડમાં તેના ડિરેક્ટરોને નોમિનેટ કરીને મેનેજમેન્ટ પર નિયંત્રણ ઇચ્છે છે. યસ બેંકની

710થી વધુ દેશોમાં 1,200+ બ્રાન્ચ યસ બેંક બેંકિંગ અને નાણાકીય સેવાઓ પૂરી પાડે છે. બેંકની 1,200+ બ્રાન્ચ, 1300+ ATM અને 710થી વધુ દેશોમાં 8.2 મિલિયન એટલે કે 82 લાખથી વધુ ગ્રાહકો છે. યસ બેંકના ફાઉન્ડર રાણા કપૂર છે. તેમણે 2004માં આ બેંકની સ્થાપના કરી હતી. બેંકના મેનેજિંગ ડિરેક્ટર અને ચીફ એક્ઝિક્યુટિવ ઓફિસર (CEO) પ્રશાંત કુમાર છે.