વિશ્વના સૌથી અમીર વ્યક્તિ ઈલોન મસ્કે દેશના મોટા ઉદ્યોગપતિઓ પર ભારતમાં સ્ટારલિંકને રોકવાનો આરોપ લગાવ્યો છે. મસ્કે X પર પોસ્ટ કરીને લખ્યું, 'ભારતના કેટલાક મોટા બિઝનેસમેન નથી ઇચ્છતા કે સ્ટારલિંકનું સેટેલાઇટ ઇન્ટરનેટ ભારતમાં આવે, જેથી તેમનું એકહથ્થુ રાજ જળવાઈ રહે. તમે અંદાજ લગાવી શકો છો કે તેઓ કોણ છે…' મસ્કે પોસ્ટમાં એ પણ લખ્યું કે આ ભારતના લોકો સામેનો એક ગુનો છે. મસ્કે કોઈ કંપની કે ઉદ્યોગપતિનું નામ તો લીધું નથી, પરંતુ તેમની પોસ્ટથી ભારતીય ટેલિકોમ કંપનીઓ વચ્ચે

ચર્ચા છેડાઈ ગઈ છે. મસ્કનો ઈશારો ભારતના તે ટેલિકોમ અને બિઝનેસ ઘરાણાં તરફ માનવામાં આવી રહ્યો છે, જેઓ સ્પેક્ટ્રમ ફાળવણીના નિયમો અને સુરક્ષાની ચિંતાઓને લઈને સેટેલાઇટ ઇન્ટરનેટ કંપનીઓનો વિરોધ કરી રહ્યા છે અથવા કડક શરતોની માંગ કરી રહ્યા છે. સ્ટારલિંકને માત્ર અંતિમ સરકારી મંજૂરીની રાહ ઇલોન મસ્કની કંપની સ્પેસએક્સની સેટેલાઇટ ઇન્ટરનેટ સર્વિસ 'સ્ટારલિંક' ભારતમાં લોન્ચ થવાની ખૂબ નજીક છે. કંપનીએ જણાવ્યું કે સર્વિસ શરૂ કરવા માટે જરૂરી ગ્રાઉન્ડ ઇન્ફ્રાસ્ટ્રક્ચરનું કામ પૂર્ણ કરી લેવામાં આવ્યું છે. હવે સ્ટારલિંકને માત્ર

છેલ્લી નિયમનકારી મંજૂરી મળવાની રાહ છે. દેશભરમાં 20 સ્ટેશન અને સેંકડો એન્ટેના તૈનાત સ્ટારલિંકે દેશભરમાં 20 ગેટવે સાઇટ્સ બનાવવામાં આવી છે. આ ગેટવે જમીન પર બનાવવામાં આવેલા સ્ટેશન છે, જે અંતરિક્ષમાં રહેલા સ્ટારલિંકના સેટેલાઇટ્સને જમીન પરના મુખ્ય ઇન્ટરનેટ નેટવર્ક સાથે જોડે છે. આ સ્થળોએ સેંકડો એન્ટેના લગાવવામાં આવ્યા છે, જેથી ઇન્ટરનેટ સિગ્નલ કોઈપણ વિક્ષેપ વિના ટ્રાન્સફર થઈ શકે. જિયો-એરટેલ સાથે ડીલ, 3 રાજ્યો સાથે લેટર ઓફ ઈન્ટેન્ટ પર હસ્તાક્ષર સ્ટારલિંક ભારતમાં મોટા પાયે નેટવર્ક પહોંચાડવા માટે રિલાયન્સ જિયો

અને ભારતી એરટેલ સાથે પ્રારંભિક સમજૂતી પત્ર એટલે કે MoU પર હસ્તાક્ષર કરી ચૂકી છે. આ સાથે જ, સ્થાનિક સ્તરે સેવાઓ આપવા માટે કંપનીએ મહારાષ્ટ્ર, ગુજરાત અને મેઘાલય સરકાર સાથે લેટર ઓફ ઈન્ટેન્ટ પર હસ્તાક્ષર કર્યા છે. 5 સવાલ-જવાબમાં સ્ટારલિંક સાથે જોડાયેલી જરૂરી વાતો... સવાલ 1: સ્ટારલિંક શું છે અને તે ખાસ કેમ છે? જવાબ: સ્ટારલિંક, સ્પેસએક્સનો પ્રોજેક્ટ છે, જે સેટેલાઇટ્સ દ્વારા હાઈ-સ્પીડ ઇન્ટરનેટ આપે છે. તેના સેટેલાઇટ્સ પૃથ્વીની નજીક પરિભ્રમણ કરે છે, જેથી ઇન્ટરનેટ ઝડપી અને સરળ

રીતે ચાલે છે. આ ખાસ કરીને એવા વિસ્તારો માટે ફાયદાકારક છે, જેમ કે ગામડાં અથવા પહાડી પ્રદેશો, જ્યાં સામાન્ય ઇન્ટરનેટ પહોંચી શકતું નથી. સવાલ 2: સ્ટારલિંકને લાઇસન્સ મળવામાં આટલો સમય કેમ લાગ્યો? જવાબ: સ્ટારલિંક 2022થી પ્રયાસ કરી રહી હતી, પરંતુ સુરક્ષા સંબંધિત ચિંતાઓને કારણે વિલંબ થયો. ભારત સરકારે ડેટા સુરક્ષા અને કૉલ ઇન્ટરસેપ્શન જેવી શરતો મૂકી હતી. સ્ટારલિંકે આ શરતો સ્વીકારી લીધી છે. હવે સેવાઓ શરૂ થવાની છે. સવાલ 3: સામાન્ય લોકોને શું ફાયદો થશે? જવાબ: સ્ટારલિંકથી ગામડાંઓ અને

દૂરના વિસ્તારોમાં ઇન્ટરનેટ પહોંચશે, જેના કારણે ઑનલાઇન શિક્ષણ, ટેલિમેડિસિન અને વ્યવસાયને વેગ મળશે. ઉપરાંત, ટેલિકોમ બજારમાં સ્પર્ધા વધવાથી સસ્તા અને વધુ સારા પ્લાન મળી શકે છે. સવાલ 4: ભારત મસ્ક માટે કેમ મહત્વનું છે? જવાબ: ભારત વિશ્વનું બીજું સૌથી મોટું ઇન્ટરનેટ માર્કેટ છે. મસ્ક માટે આ લાઇસન્સ મોટી સફળતા છે, ખાસ કરીને જ્યારે અમેરિકામાં ડોનાલ્ડ ટ્રમ્પ સાથે તેમની તણાવભરી સ્થિતિ ચાલી રહી છે. તેનાથી સ્પેસએક્સના કોન્ટ્રાક્ટ્સ જોખમમાં છે. સવાલ 5: સેટેલાઇટ્સથી તમારા સુધી ઇન્ટરનેટ કેવી રીતે પહોંચશે? જવાબ: