વડાપ્રધાન નરેન્દ્ર મોદી 15 ઓક્ટોબરે એશિયન ગેમ્સ 2026ના ભારતીય મેડલ વિજેતાઓ સાથે મુલાકાત કરશે. આ મુલાકાત PM આવાસ ખાતે યોજાશે. આ માહિતી IOAના સૂત્રોએ ન્યુ ગુજરાતને આપી છે. આઇચી-નાગોયામાં યોજાયેલી એશિયન ગેમ્સમાં ભારતે કુલ 85 મેડલ જીત્યા. તેમાં 21 ગોલ્ડ, 27 સિલ્વર અને 37 બ્રોન્ઝનો સમાવેશ થાય છે. ભારત મેડલ ટેલીમાં ચોથા સ્થાને રહ્યું. PM મોદી અગાઉ પણ અનેક પ્રસંગોએ ભારતીય ખેલાડીઓ

સાથે મુલાકાત કરી ચૂક્યા છે. છેલ્લે તેઓ 9 ઑગસ્ટે કોમનવેલ્થ ગેમ્સ 2026ના મેડલ વિજેતાઓને મળ્યા હતા. તીરંદાજી-બોક્સિંગમાં 8 ગોલ્ડ; ક્રિકેટ, હોકી અને કબડ્ડીની બંને ટીમ ચેમ્પિયન ભારતે તીરંદાજી, બોક્સિંગ, શૂટિંગ, હોકી, ક્રિકેટ, કુશ્તી, કબડ્ડી, એથ્લેટિક્સ અને ગોલ્ફ સહિત અનેક રમતોમાં મેડલ જીત્યા. ભારતીય તીરંદાજોએ 5 ગોલ્ડ સહિત 9 મેડલ જીત્યા. જ્યારે ભારતીય બોક્સરોએ 3 ગોલ્ડ અને 3 બ્રોન્ઝ સહિત 6 મેડલ જીત્યા. ક્રિકેટમાં

ભારતીય મહિલા અને મેન્સ બંને ટીમે ગોલ્ડ જીત્યો. હોકી અને કબડ્ડીમાં પણ ભારતની બંને ટીમ ચેમ્પિયન બની. 5 ખેલાડીઓએ મેડલની હેટ્રિક લગાવી 5 ખેલાડીઓએ મેડલની હેટ્રિક લગાવી, જ્યારે 23 ખેલાડીઓએ 2-2 મેડલ જીત્યા. ભારતને સૌથી વધુ ડબલ મેડલ એથ્લેટિક્સમાં મળ્યા. તીરંદાજી અને શૂટિંગના 5-5 ખેલાડીઓએ બે મેડલ જીત્યા. સ્ક્વોશના ચાર ખેલાડીઓ અને ગોલ્ફની પ્રણવી ઉર્સને 2 મેડલ મળ્યા. છેલ્લે ફાઇનલ મેડલ ટેલી જુઓ…