છત્તીસગઢના બસ્તર વિસ્તારમાં ક્યારેક જે મહિલાઓના હાથમાં બંદૂકો હતી, હવે તે જ પૂર્વ નક્સલી મહિલાઓ હિન્દી ફિલ્મમાં એક્ટ્રેસ બનશે. રાયપુરના દીનદયાળ ઉપાધ્યાય ઓડિટોરિયમમાં આયોજિત ફેશન શોમાં રેમ્પ વૉક કરીને ચર્ચામાં આવેલી સુકમાની 9 પુનર્વસિત મહિલાઓ હવે મોટા પડદા પર પોતાની અભિનય ક્ષમતા દર્શાવશે. ‘બંગાળ 1947’ના લેખક-ડિરેક્ટર આકાશાદિત્ય લામા તેમને પોતાની આગામી ફિલ્મમાં કામ કરવાની તક આપી રહ્યા છે. પૂર્વ નક્સલી મહિલાઓ માટે ખાસ વર્કશોપ યોજાશે ફિલ્મનું શૂટિંગ આ

જ વર્ષના નવેમ્બર-ડિસેમ્બરથી સુકમા અને છત્તીસગઢના અન્ય સુંદર વિસ્તારોમાં શરૂ કરવાની યોજના છે. આત્મસમર્પણ અને પુનર્વસન બાદ સમાજની મુખ્યધારામાં જોડાયેલી આ મહિલાઓ માટે અભિનયનું આ પહેલું મોટું મંચ હશે. ફિલ્મમાં ભૂમિકા આપતા પહેલાં તેમનું ઓડિશન લેવામાં આવશે. ત્યાર બાદ પસંદ કરાયેલી મહિલાઓ માટે 10થી 15 દિવસની એક વિશેષ વર્કશોપ યોજવામાં આવશે, જેમાં તેમને એક્ટિંગની ઝિણવટ અને તકનીકી સમજ શીખવવામાં આવશે. ન્યુ ગુજરાત સાથેની ખાસ વાતચીતમાં ડિરેક્ટર આકાશાદિત્ય

લામાએ જણાવ્યું કે, ફિલ્મની પટકથા સંપૂર્ણપણે તૈયાર છે. છત્તીસગઢના વિવિધ સ્થળોએ શૂટિંગ થશે છત્તીસગઢના સુકમાના કુદરતી અને વાસ્તવિક સ્થળોએ ફિલ્મનાં અનેક મહત્વપૂર્ણ દૃશ્યોનું શૂટિંગ કરવામાં આવશે. સુકમાના ઇતિહાસમાં આ પહેલો પ્રસંગ હશે, જ્યારે ત્યાં કોઈ હિન્દી ફિલ્મનું શૂટિંગ થવા જઈ રહ્યું છે. લામાએ સ્પષ્ટ કર્યું કે, ઓડિશન અને અભિનય ક્ષમતાના આધારે જ આ 9 મહિલાઓને અલગ-અલગ પાત્રો સોંપવામાં આવશે. આ ઉપરાંત, સુકમા અને આસપાસના વિસ્તારોના સ્થાનિક કલાકારો તેમજ

નવી પ્રતિભાઓને પણ ફિલ્મમાં અભિનય કરવાની તક આપવામાં આવશે. 1994ના સમયગાળાના ગ્રામ્ય જીવન અને સંઘર્ષની વાર્તા ફિલ્મની વાર્તા 1994ની આસપાસ છત્તીસગઢના વનાંચલ વિસ્તારોની વાસ્તવિક ઘટનાઓ અને પરિસ્થિતિઓથી પ્રેરિત છે. તેમાં જંગલમાં વસતા ગ્રામ્ય લોકોનું જીવન, નક્સલ પ્રભાવ, મૂળભૂત સુવિધાઓનો અભાવ અને સ્થાનિક સંઘર્ષોને વાસ્તવિક રીતે દર્શાવવામાં આવશે. જોકે, ફિલ્મ કઈ મુખ્ય વાસ્તવિક ઘટના પર આધારિત છે, તેનો ખુલાસો હજી કરવામાં આવ્યો નથી. ડિરેક્ટરનું કહેવું છે કે, વાર્તાના મુખ્ય

પાસાઓ શૂટિંગ દરમિયાન જ સામે લાવવામાં આવશે. નોંધનીય છે કે, આ પહેલાં આકાશાદિત્ય લામા પોતાની ચર્ચિત ફિલ્મ ‘બંગાળ 1947’નું શૂટિંગ પણ છત્તીસગઢના કવર્ધા, ખૈરાગઢ અને પખાંજુર વિસ્તારોમાં કરી ચૂક્યા છે. રાયપુરમાં રેમ્પ વૉકથી મહિલાઓએ લાઇમલાઇટ મેળવી આ વર્ષે રાષ્ટ્રીય હસ્તકળા દિવસ નિમિત્તે છત્તીસગઢના રાયપુરમાં રાજ્યસ્તરીય વણકર પરિષદ અને સ્વદેશી એક્સ્પોમાં પરંપરાગત કોસા સાડીઓનું પ્રદર્શન કરવામાં આવ્યું હતું. જેમાં અધિકારીઓ સમક્ષ આત્મસમર્પણ કરનાર ભૂતપૂર્વ મહિલા નક્સલવાદીઓએ રેમ્પ વૉકમાં ભાગ

લીધો હતો. આ ફૅશન શો પરંપરાગત વસ્ત્રોના પ્રદર્શનથી આગળ વધીને બસ્તરની તે મહિલાઓના બદલાતા જીવનને ઉજાગર કરતો હતો, જેમણે હિંસાનો માર્ગ છોડીને પોતાનું જીવન ફરીથી ઘડવાનું પસંદ કર્યું છે. એક સમયે નક્સલવાદી ચળવળ સાથે સંકળાયેલા ભય અને હિંસાના માહોલમાં જીવતી આ મહિલાઓએ કોસા સાડીઓ અને હેન્ડલૂમ કાપડ પહેરીને આત્મવિશ્વાસપૂર્વક રેમ્પ વૉક કરી હતી. તેમની ભાગીદારીએ શાંતિપૂર્ણ જીવન તરફના તેમના પરિવર્તન અને મુખ્ય પ્રવાહમાં તેમના એકીકરણને ઉજાગર કર્યું હતું.