ટાટા ટ્રસ્ટ્સને ચેરિટી કમિશનરની નોટિસ: 12 ઓક્ટોબર સુધી જવાબ માંગ્યો; ટ્રસ્ટી વેણુ શ્રીનિવાસને ટ્રસ્ટમાં ગવર્નન્સની ખામીઓના આરોપ લગાવ્યા હતા

ટાટા ટ્રસ્ટ્સને ચેરિટી કમિશનરની નોટિસ:12 ઓક્ટોબર સુધી જવાબ માંગ્યો; ટ્રસ્ટી વેણુ શ્રીનિવાસને ટ્રસ્ટમાં ગવર્નન્સની ખામીઓના આરોપ લગાવ્યા હતા
Email :

મહારાષ્ટ્ર ચેરિટી કમિશનરે ટાટા ટ્રસ્ટ્સને નોટિસ પાઠવીને 12 ઓક્ટોબર સુધી જવાબ માગ્યો છે. ટ્રસ્ટી વેણુ શ્રીનિવાસન દ્વારા સર દોરાબજી ટાટા ટ્રસ્ટમાં ગેરરીતિઓના આરોપો સાથે કરવામાં આવેલી ફરિયાદ બાદ આ કાર્યવાહી કરવામાં આવી છે. શ્રીનિવાસને 24 સપ્ટેમ્બરે મામલાની તપાસની માગ કરી હતી. શ્રીનિવાસનના જણાવ્યા અનુસાર, ટાટા ટ્રસ્ટ્સ હવે સમાજસેવાના પોતાના મુખ્ય

કાર્યથી ભટકીને કંપનીઓના વ્યવસાયિક નિર્ણયોમાં દખલ કરી રહ્યું છે. ટ્રસ્ટીઓ પોતે મોટા વ્યાવસાયિક સોદાઓ નક્કી કરવા, વાટાઘાટો કરવા અને તેમને અંતિમ સ્વરૂપ આપવા લાગ્યા છે, જે ચેરિટી ટ્રસ્ટના નિયમોની વિરુદ્ધ છે. શ્રીનિવાસનની ફરિયાદ સાથે જોડાયેલી 4 મોટી બાબતો… ટાટા ટ્રસ્ટ્સે અગાઉ જ અરજી દાખલ કરી હતી ટાટા ટ્રસ્ટ્સે 30 સપ્ટેમ્બરે

ચેરિટી કમિશનર સમક્ષ અરજીઓ દાખલ કરી હતી. ટ્રસ્ટનો હેતુ એ સુનિશ્ચિત કરવાનો હતો કે શ્રીનિવાસનની ફરિયાદ પર તેમનો પક્ષ સાંભળ્યા વિના કોઈ પણ આદેશ પસાર ન કરવામાં આવે. હવે ટ્રસ્ટ પાસે પોતાનો પક્ષ રજૂ કરવા માટે 12 ઓક્ટોબર સુધીનો સમય છે. સર રતન ટાટા ટ્રસ્ટ સાથે જોડાયેલો છે એક વિવાદ આ

નવો વિવાદ એવા સમયે સામે આવ્યો છે જ્યારે ટાટા જૂથનું એક અન્ય ટ્રસ્ટ પહેલેથી જ વિવાદોમાં છે. આ પહેલાં, ચેરિટી કમિશનરે સર રતન ટાટા ટ્રસ્ટમાં ટ્રસ્ટીઓની નિમણૂકને લઈને ચાલી રહેલા વિવાદને કારણે બોર્ડ મીટિંગ્સ પર રોક લગાવી દીધી હતી. ભલે આ બંને મામલા અલગ-અલગ હોય, પરંતુ બંનેનું મૂળ ટ્રસ્ટ ચલાવવાની

રીત સાથે જ જોડાયેલું છે. જવાબ બાદ ચેરિટી કમિશનર નિર્ણય લેશે હવે સૌની નજર 12 ઓક્ટોબર પર છે, જ્યારે ટાટા ટ્રસ્ટ્સ આ આરોપો પર પોતાનો જવાબ આપશે. ટ્રસ્ટની વાત સાંભળ્યા બાદ ચેરિટી કમિશનર નક્કી કરશે કે આ મામલે આગળ કોઈ તપાસ અથવા કાનૂની કાર્યવાહી કરવાની જરૂર છે કે નહીં. નોલેજ બોક્સ:

સર દોરાબજી ટાટા ટ્રસ્ટ (SDTT) શું છે? 1932માં સ્થાપિત આ ટાટા ટ્રસ્ટ્સનો એક મુખ્ય હિસ્સો છે, જે શિક્ષણ, આરોગ્ય અને આપત્તિ રાહત માટે ભંડોળ પૂરું પાડે છે. ચેરિટી કમિશનરની સત્તાઓ: મહારાષ્ટ્ર પબ્લિક ટ્રસ્ટ્સ એક્ટ હેઠળ ચેરિટી કમિશનરને ટ્રસ્ટોના કામકાજ, ભંડોળ અને ટ્રસ્ટીઓની નિમણૂકમાં થયેલી ગેરરીતિઓની તપાસ કરવાનો અધિકાર હોય છે.

Related Post