ચેન્નઈ સુપર કિંગ્સે IPLમાં શનિવારે મુંબઈ ઈન્ડિયન્સને 8 વિકેટે હરાવ્યું. ટીમે સિઝનમાં બીજી વખત ઈન્ડિયન્સને પછાડ્યું છે. આ જીતથી ચેન્નઈએ પ્લેઓફમાં પહોંચવાની આશાઓ જીવંત રાખી છે. જ્યારે, મુંબઈ ઈન્ડિયન્સનો માર્ગ ખૂબ જ મુશ્કેલ બની ગયો છે. ચેન્નઈએ દિલ્હીને પાછળ છોડ્યું, છઠ્ઠા નંબર પર આવી મુંબઈને હરાવ્યા બાદ ચેન્નઈએ વર્તમાન સિઝનના પોઈન્ટ્સ ટેબલમાં દિલ્હી કેપિટલ્સને પાછળ છોડી દીધું છે. આજની મેચની વાત IPLમાં રવિવારે બે મેચ રમાશે. પહેલી મેચ કોલકાતા નાઈટ રાઈડર્સ અને સનરાઈઝર્સ હૈદરાબાદ વચ્ચે હૈદરાબાદમાં બપોરે 3:30 વાગ્યાથી રમાશે.

જ્યારે બીજી મેચ ગુજરાત ટાઈટન્સ અને પંજાબ કિંગ્સ વચ્ચે અમદાવાદના નરેન્દ્ર મોદી સ્ટેડિયમમાં સાંજે 7:30 વાગ્યાથી થશે. કોલકાતા વાપસીના માર્ગ પર કોલકાતા નાઈટ રાઈડર્સની ટીમ વાપસીના માર્ગ પર છે. ટીમ છેલ્લી બે મેચ જીતીને આવી રહી છે. તેની પાસે આજે જીતની હેટ્રિક લગાવવાની તક છે. ટીમ અત્યાર સુધી 8 માંથી માત્ર 2 મેચ જ જીતી શકી છે. આવી સ્થિતિમાં, તેને હવે બાકીની 6 મેચોમાં જીત મેળવવી પડશે. એક પણ મેચ હારવા પર તેને બીજી ટીમોના ભરોસે રહેવું પડશે. સનરાઇઝર્સ

હૈદરાબાદનું પ્લેઓફમાં પહોંચવું લગભગ નક્કી હૈદરાબાદની ટીમ પ્લેઓફની દહેલીજ પર છે. ટીમે 9 માંથી 6 મેચ જીતી લીધી છે અને 12 પોઈન્ટ્સ સાથે ત્રીજા સ્થાને છે. પેટ કમિન્સની ટીમ પાસે આજે પોઈન્ટ્સ ટેબલના ટોપ પર પહોંચવાની તક છે. ગુજરાત ટોપ-4ની રેસમાં યથાવત ગુજરાતની ટીમ પણ પ્લેઓફની રેસમાં યથાવત છે. ટીમે 9માંથી 5 મેચ જીતી છે. તે 10 પોઈન્ટ્સ સાથે 5મા સ્થાને છે. આજે ગુજરાત પાસે જીત સાથે ટોપ-4માં સ્થાન મેળવવાની તક છે. જોકે, પ્લેઓફમાં પહોંચવા માટે તેને 6માંથી ઓછામાં ઓછી 3

મેચ જીતવી પડશે. પંજાબ પ્લેઓફની રેસમાં સૌથી આગળ ટેબલ ટોપ પંજાબની ટીમ પ્લેઓફની રેસમાં સૌથી આગળ છે. ટીમ 8 માંથી 6 મેચ જીતીને પોઈન્ટ્સ ટેબલના ટોપ પર છે. એક નો રિઝલ્ટ મેચના સહારે તેની પાસે 13 પોઈન્ટ્સ છે. શ્રેયસ અય્યરની ટીમ આજે જીતથી પ્લેઓફની વધુ નજીક પહોંચી જશે. ટુર્નામેન્ટના ટોપ પ્લેયર્સ ઓરેન્જ કેપ લીડરબોર્ડમાં કોઈ ફેરફાર નહીં, રાહુલ ટોપ પર ચેન્નઈ-મુંબઈ મેચ પછી ઓરેન્જ કેપના લીડરબોર્ડમાં કોઈ ફેરફાર થયો નથી. કેએલ રાહુલ 433 રન સાથે IPL સિઝનના ટોપ સ્કોરરની યાદીમાં

પ્રથમ સ્થાને છે. આજના મેચમાં અભિષેક શર્મા અને હેનરિક ક્લાસન પાસે ઓરેન્જ કેપ મેળવવાની તક છે. તે બંને અનુક્રમે બીજા અને ત્રીજા સ્થાને છે. પર્પલ કેપની રેસમાં અંશુલ કંબોજ બીજા સ્થાને આવ્યો ચેન્નઈના પેસર અંશુલ કંબોજે મુંબઈ સામે 3 વિકેટ ઝડપી. 9 મેચમાં તેની 17 વિકેટ થઈ ગઈ છે. અંશુલ પર્પલ કેપ હોલ્ડર ભુવનેશ્વર કુમારની બરાબરી પર છે. આજે હૈદરાબાદના ઈશાન મલિંગા અને ગુજરાતના કગિસો રબાડા પાસે પર્પલ કેપ મેળવવાની તક હશે. ---------------------------------------------------- IPL થી સંબંધિત આ સમાચાર પણ

વાંચો… IPL- ચેન્નઈએ મુંબઈને સિઝનમાં બીજી વાર હરાવ્યું; ગાયકવાડ-કાર્તિકની ફિફ્ટી ચેન્નઈ સુપર કિંગ્સે IPLમાં શનિવારે મુંબઈ ઈન્ડિયન્સ પર 8 વિકેટે જીત મેળવી છે. ટીમે મુંબઈને સિઝનમાં બીજી વખત હરાવ્યું છે. ચેન્નઈએ 23 એપ્રિલે પણ મુંબઈને 103 રનથી હરાવ્યું હતું. ચેપોક સ્ટેડિયમમાં મુંબઈએ ટોસ જીતીને બેટિંગ પસંદ કરી અને 20 ઓવરમાં 7 વિકેટે 159 રન બનાવ્યા. જવાબમાં ચેન્નઈએ 18.1 ઓવરમાં 2 વિકેટે ટાર્ગેટ ચેઝ કરી લીધો. કાર્તિક શર્માએ ટ્રેન્ટ બોલ્ટની પહેલી બોલ પર ચોગ્ગો ફટકારીને જીત અપાવી. સંપૂર્ણ સમાચાર વાંચો