હાંગઝોઉમાં ચાલી રહેલા ISSF વર્લ્ડ કપમાં ભારતીય નિશાનેબાજોનું શાનદાર પ્રદર્શન ચાલુ છે. સોમવાર (27 જુલાઈ)ના રોજ વુમન્સ 25 મીટર પિસ્તોલ સ્પર્ધામાં ભારતની ઈશા સિંહે ગોલ્ડ મેડલ જીત્યો, જ્યારે મનુ ભાકરે બ્રોન્ઝ મેડલ પોતાના નામે કર્યો. ઈશા સિંહના ગોલ્ડ અને મનુ ભાકરના બ્રોન્ઝ સાથે વર્તમાન ટુર્નામેન્ટમાં ભારતે કુલ ત્રણ મેડલ પોતાના નામે કરી લીધા છે. આ પહેલા ભારતીય નિશાનેબાજ સૈન્યમે વિમેન્સની 10 મીટર એર પિસ્તોલ સ્પર્ધામાં સિલ્વર જીતીને ભારતનું ખાતું ખોલ્યું હતું. હાંગઝોઉ વર્લ્ડ કપમાં ચીન અત્યાર

સુધીમાં 14 પદક જીતી ચૂક્યું છે, જ્યારે ભારત ત્રણ મેડલ સાથે બીજા સ્થાને યથાવત છે. ----------------------- સ્પોર્ટ્સના આ સમાચાર પણ વાંચો… ઓસ્ટ્રેલિયા સામેની પ્રથમ ટેસ્ટ માટે બાંગ્લાદેશની ટીમ જાહેર બાંગ્લાદેશ ક્રિકેટ બોર્ડ (BCB)એ ઓસ્ટ્રેલિયા સામે બે મેચની ટેસ્ટ સિરીઝની પ્રથમ મેચ માટે 15 સભ્યોની ટીમની જાહેરાત કરી છે. ટીમની કમાન નજમુલ હુસૈન શાંતોને સોંપવામાં આવી છે. બાંગ્લાદેશની 15 સભ્યોની ટીમમાં ઓલરાઉન્ડર સૌમ્ય સરકારનો સમાવેશ કર્યો છે. સૌમ્ય છેલ્લે 2021માં ટેસ્ટ ફોર્મેટમાં રમ્યો હતો. બીજી તરફ,

2023ની WTC ચેમ્પિયન ઓસ્ટ્રેલિયન ટીમે આ સિરીઝ માટે પોતાની ટીમની જાહેરાત પહેલેથી જ કરી દીધી છે. પ્રથમ ટેસ્ટ માટે બાંગ્લાદેશની 15 સભ્યોની ટીમ : નજમુલ હુસૈન શાંતો (કેપ્ટન), સૌમ્ય સરકાર, શાદમાન ઇસ્લામ, તન્ઝીદ હસન, મોમિનુલ હક, મુશ્ફિકુર રહીમ, અમિત હસન, ઝાકિર અલી અનિક, મહેદી હસન મિરાજ (વાઇસ-કેપ્ટન), તૈજુલ ઇસ્લામ, તાસ્કિન અહેમદ, હસન મહમૂદ, સૈયદ ખાલિદ અહેમદ, ઇબાદત હુસૈન ચૌધરી, મુશ્ફિક હસન. ----------------------- સ્પોર્ટ્સના આ સમાચાર પણ વાંચો… ડુરંડ કપ 2026માં રમી શકે છે એક્ટર ટાઈગર શ્રોફ

બોલિવૂડ એક્ટર ટાઈગર શ્રોફ ડુરંડ કપ 2026ની 135મી આવૃત્તિથી પોતાનો ફૂટબોલ ડેબ્યૂ કરી શકે છે. રિપોર્ટ અનુસાર, 36 વર્ષીય એક્ટરને ટુર્નામેન્ટ માટે મુંબઈ એફસીના સ્ક્વોડમાં રજીસ્ટર કર્યો છે. તે 11 ઓગસ્ટે શિલોંગમાં રમાનારી છેલ્લી ગ્રુપ સ્ટેજ મેચમાં મેદાન પર ઉતરી શકે છે. ડુરંડ કપ એશિયાની સૌથી જૂની અને દુનિયાની ત્રીજી સૌથી જૂની ફૂટબોલ ટુર્નામેન્ટ છે. ----------------------- સ્પોર્ટ્સના આ સમાચાર પણ વાંચો… ગ્લાસગોમાં બ્રોન્ઝ જીતનાર ઝાંડો કુમારનું દિલ્હીમાં સ્વાગત ગ્લાસગોમાં ચાલી રહેલા કોમનવેલ્થ ગેમ્સ 2026માં ભારતનું

ખાતું ખોલનાર 28 વર્ષીય પેરા પાવરલિફ્ટર ઝાંડો કુમારનું દિલ્હી પરત ફરવા પર ભવ્ય સ્વાગત થયું. તેમણે મેન્સ હેવીવેઇટ કેટેગરીમાં 130.9 પોઈન્ટ્સ સાથે ઐતિહાસિક બ્રોન્ઝ મેડલ મેળવીને દેશનું ગૌરવ વધાર્યું. એરપોર્ટ પર પરિવાર, પ્રશંસકો અને અધિકારીઓએ તેમનું ઉષ્માભર્યું સ્વાગત કર્યું, જોકે ઝંડુએ ગોલ્ડ મેડલ ન જીતી શકવા બદલ થોડી નિરાશા પણ વ્યક્ત કરી. સ્વદેશ પરત ફરવા પર પ્રશંસકો તરફથી મળેલા પ્રેમ બદલ ઝાંડોએ સૌનો આભાર માન્યો. ----------------------- સ્પોર્ટ્સના આ સમાચાર પણ વાંચો… ચંદીગઢમાં ઇન્ડિયા હોકી 360 ફેસ્ટિવલ

1-2 ઓગસ્ટના રોજ ચંદીગઢમાં ઇન્ડિયા હોકી 360 ફેસ્ટિવલ યોજાશે. આ આયોજનને NHL, વેનકુવર કેનક્સ, બાઉર હોકી અને આઇસ હોકી એસોસિએશન ઓફ ઇન્ડિયા (IHAI)નો ટેકો મળ્યો છે. ફેસ્ટિવલનો હેતુ ભારતમાં આઇસ હોકી અને રોલર હોકીને પ્રોત્સાહન આપવાનો છે. આમાં ભારતીય ખેલાડીઓ અને કોચોને આંતરરાષ્ટ્રીય નિષ્ણાતો પાસેથી ટ્રેનિંગ અને અનુભવ શેર કરવાની તક મળશે. 1 ઓગસ્ટના રોજ નેક્સસ એલાન્ટે મોલમાં 'ટ્રાય બોલ હોકી' એક્ટિવિટી થશે, જ્યારે 2 ઓગસ્ટના રોજ સેક્ટર-10 રિંકમાં કોચિંગ અને પ્લેયર ક્લિનિકનું આયોજન કરવામાં આવશે.