સેન્ટર ઓફ એક્સલન્સના પ્રમુખ વીવીએસ લક્ષ્મણ હવે સિનિયર સિલેક્શન કમિટીની દરેક બેઠકમાં સામેલ થશે. BCCI સેક્રેટરી દેવજીત સૈકિયાએ મંગળવારે જણાવ્યું કે આ નિર્ણય મુંબઈમાં યોજાયેલી BCCIની રિવ્યૂ મિટિંગમાં લેવામાં આવ્યો હતો. સૈકિયાએ કહ્યું, ‘લક્ષ્મણ બેઠકમાં હાજર રહેશે, જેથી પસંદગીકારો અને CoE વચ્ચે કોઈ કમ્યુનિકેશન ગેપ ન રહે.’ લક્ષ્મણે તાજેતરમાં ગુવાહાટીમાં યોજાયેલી T20 અને ઈન્ડિયા-Aની પસંદગી બેઠકમાં ભાગ લીધો હતો. છેલ્લા ત્રણ-ચાર મહિનામાં એવું ઘણી વાર બન્યું છે કે કોઈ ખેલાડીની ટીમમાં પસંદગી

થઈ અને જ્યારે તેના રમવાનો વારો આવ્યો ત્યારે તે અનફિટ હોવાનું જાણવા મળ્યું. BCCI સેક્રેટરીએ કહ્યું- યોગ્ય નિર્ણય લેવા માટે સચોટ માહિતી જરૂરી સૈકિયાએ કહ્યું કે લક્ષ્મણ BCCIમાં હેડ ઓફ ક્રિકેટ અને CoEના પ્રમુખ છે. તેમની પાસે ખેલાડીઓની ઈજા, ફિટનેસ અને રિહેબ સંબંધિત માહિતી રહે છે. આવી સ્થિતિમાં તેમની દરેક સિલેક્શન મિટિંગમાં હાજરીથી પસંદગીકારોને ખેલાડીઓની ઉપલબ્ધતાની ચોક્કસ માહિતી મળી શકશે. ખેલાડીઓને સતત થઈ રહેલી ઈજા BCCI માટે ચિંતાનો વિષય ભારતીય ટીમમાં ખેલાડીઓ

સતત ઈજાગ્રસ્ત થવાને કારણે તેમની ઉપલબ્ધતા પર અસર પડી છે. તાજેતરમાં વેસ્ટ ઇન્ડીઝ સામેની ત્રીજી વન-ડે બાદ કેપ્ટન શુભમન ગિલે પણ આ અંગે ચિંતા વ્યક્ત કરી હતી. તેણે કહ્યું હતું કે ઈજા અને વ્યસ્ત શેડ્યૂલને કારણે ટીમ પોતાની પસંદગીની બોલિંગ લાઇન-અપ સાથે રમી શકી રહી નથી. ગિલે એમ પણ કહ્યું હતું કે 2027ના વન-ડે વર્લ્ડ કપની તૈયારીઓ માટે ટીમ પાસે વધુ પ્રયોગ કરવાનો સમય નથી. ટીમ ઇચ્છે છે કે આવનારી સિરીઝમાં વર્લ્ડ

કપમાં રમવાની સંભાવના ધરાવતા કોમ્બિનેશનને વધુમાં વધુ તક મળે. ઈન્જરી મેનેજમેન્ટ અને પસંદગી વચ્ચે વધુ સારા તાલમેલના પ્રયાસો લક્ષ્મણ નિયમિતપણે પસંદગી બેઠકમાં સામેલ થવાથી CoEમાં ચાલી રહેલા ખેલાડીઓના રિહેબ અને ફિટનેસ પ્રોગ્રામની માહિતી સીધી પસંદગીકારો સુધી પહોંચશે. આથી ઈજાગ્રસ્ત ખેલાડીઓની ઉપલબ્ધતા અને તેમની પસંદગી અંગે નિર્ણયો લેતી વખતે ટીમને વધુ સ્પષ્ટ માહિતી મળવાની આશા છે. BCCIએ પુરુષ પસંદગી સમિતિમાં એક પદ માટે અરજીઓ મંગાવી ભારતીય ક્રિકેટ કંટ્રોલ બોર્ડ (BCCI)એ પુરુષ પસંદગી સમિતિમાં

એક પદ માટે અરજીઓ મંગાવી છે. પસંદ કરાયેલ સભ્ય ટેસ્ટ, ODI, T20I અને અન્ય ફોર્મેટ માટે ભારતીય સિનિયર પુરુષ ટીમની પસંદગી કરશે. આ ઉપરાંત ડોમેસ્ટિક અને આંતરરાષ્ટ્રીય મેચોમાં ખેલાડીઓના પ્રદર્શનનું મૂલ્યાંકન, નવી પ્રતિભાઓની ઓળખ અને મજબૂત બેન્ચ સ્ટ્રેન્થ તૈયાર કરવાની જવાબદારી પણ તેની રહેશે. પસંદગીકર્તાએ ટીમની બેઠકોમાં હાજરી આપવી, જરૂરિયાત મુજબ મેચો માટે પ્રવાસ કરવો અને ટીમના પ્રદર્શનનો ત્રિમાસિક અહેવાલ BCCIની એપેક્સ કાઉન્સિલને આપવો પડશે. આ ઉપરાંત તમામ ફોર્મેટમાં ટીમના કેપ્ટનની નિમણૂક અને

ટીમની પસંદગી અંગે મીડિયાને માહિતી આપવાની જવાબદારી પણ પસંદગી સમિતિની રહેશે. BCCI મુજબ, અરજી કરનાર ઉમેદવારે ઓછામાં ઓછા 7 ટેસ્ટ અથવા 30 ફર્સ્ટ ક્લાસ મેચ રમી હોવી જોઈએ, અથવા 10 ODI અને 20 ફર્સ્ટ ક્લાસ મેચ રમી હોવી જોઈએ. ઉમેદવારને ક્રિકેટમાંથી નિવૃત્ત થયાને ઓછામાં ઓછા 5 વર્ષ પૂર્ણ થયેલા હોવા જરૂરી છે. બીજી તરફ, BCCIના નિયમો હેઠળ કોઈ ક્રિકેટ સમિતિમાં કુલ 5 વર્ષ રહી ચૂકેલી વ્યક્તિ આ પદ માટે પાત્ર ગણાશે નહીં.