દિગ્ગજ ફૂટબોલર ક્રિસ્ટિયાનો રોનાલ્ડોએ પોર્ટુગલ નેશનલ ટીમ સાથે જોડાયેલા વિવાદ બાદ શુક્રવારે ક્લબ ફૂટબોલમાં કમબેક કર્યું. તે શુક્રવારે રાત્રે સાઉદી પ્રો લીગમાં અલ-નસર તરફથી રમવા ઉતર્યો. રોનાલ્ડોએ અલ-નસર તરફથી દિરિયાહ વિરુદ્ધ એક ગોલ કર્યો. તેની ટીમને 3-0થી જીત મળી. આ જીત સાથે સાઉદી પ્રો લીગના આઠમા રાઉન્ડમાં અલ-નસરના પોઇન્ટ અલ-કાદસિયા જેટલા થઈ ગયા. ગોલના તફાવતને કારણે અલ-નસર પોઇન્ટ ટેબલમાં ટોચ પર રહેલી અલ-કાદસિયાથી પાછળ છે. રોનાલ્ડોએ રિબાઉન્ડ પર ગોલ કર્યો કિંગ્સલે કોમાને પેનલ્ટી

વિસ્તારની બહારથી મારેલા શોટને ગોલકીપર વલીદ અબ્દુલ્લાહે રોકી દીધો. રોનાલ્ડોએ નજીકથી રિબાઉન્ડ પર શોટ મારીને બોલને ગોલમાં પહોંચાડી દીધો. અલ-નસર માટે સેમૂ કોસ્ટાએ હાફ ટાઈમના થોડા સમય પહેલાં બીજો ગોલ કર્યો. ટીમના કોચ ટોટનહેમ હોટસ્પરના ભૂતપૂર્વ બોસ આંજ પૉસ્ટેકોગ્લૂ છે. કોમાને મેચ પૂરી થવામાં 13 મિનિટ બાકી હતી ત્યારે ત્રીજો ગોલ કરીને અલ-નસરની જીત નિશ્ચિત કરી દીધી. રોનાલ્ડોએ 980મો ગોલ ફટકાર્યો રોનાલ્ડોએ પહેલા હાફની મધ્યમાં ગોલ કર્યો. આ તેના કરિયરનો 980મો ગોલ હતો. તે

આંતરરાષ્ટ્રીય ફૂટબોલમાં પોર્ટુગલ તરફથી 234 મેચમાં 146 ગોલ કરી ચૂક્યો છે. રોનાલ્ડોએ કોચ પર વચનભંગનો આરોપ લગાવીને નેશનલ કેમ્પ છોડ્યો હતો ઇન્ટરનેશનલ બ્રેક દરમિયાન 41 વર્ષના રોનાલ્ડો પોર્ટુગલની ટીમથી અલગ થઈ ગયો હતો. રોનાલ્ડોએ મંગળવારે એક લાંબું નિવેદન પોસ્ટ કર્યું હતું. રોનાલ્ડોએ કહ્યું હતું કે કોચ જોર્જ જીસસે નેશન્સ લીગમાં તેને ક્યારે રમાડવામાં આવશે, તે અંગેનું પોતાનું વચન પાળ્યું નહોતું. રોનાલ્ડોએ મે મહિનામાં જીસસ કોચ હતા ત્યારે અલ-નસર સાથે સાઉદી અરેબિયાનું ટાઇટલ જીત્યું હતું.